 |
भाद्र २, २०७३- सरकारले गतवर्षदेखि सञ्चालनमा आएको पूर्वी तराई जोड्ने वीपी राजमार्गबाट कुदने सार्वजनिक सवारी साधनहरुका लागि भाडा तय गरेको छ । उक्त राजमार्गमा मनपरी भाडा असुल हुँदै आएको छ । कोटेश्वरबाट अहिले पर्व तथा मध्य तराई र पहाडका जिल्लाका लागि दैनिक सयौं साना सार्वजनिक यातायातहरु सञ्चालनमा छन् ।
यातायात व्यवस्था विभागले दुरी अनुसार नयाँ भाडादर बिहीबार सार्वजनिक गरेको हो । काठमाडौंको नयाँ बसपार्कदेखि धुलिखेल-खुर्कोट- सिन्धुली हुँदै बर्दिबास सम्मको २ सय किलोमिटरका लागि ५ सय ३३ रुपैयाँ भाडा तोकिएको छ । कोटेश्वरबाट खुल्ने टाटा सुमो, माइक्रो लगायतका साना गाडीहरुले त्यहाँ सम्मको ७ सय रुपैयाँ असुल्दै आएका छन् । बर्दिबासबाट २९ किमी थपिएर जनकपुर पुग्दा ९ सय रुपैयाँ भाडा लिदै आएकोमा अब जनकपुरसम्मको भाडा ५ सय ७१ रुपैयाँ तोकिएको छ ।
विभागले आफ्नो वेभ साइटमा राखेको भाडा दरमा धुलिखेलसम्म(२५ किमी) र सिन्धुलीमाढी बर्दिबास(३८ किमी) प्रतिकिलोमिटर १ रुपैयाँ ८० पैसा तोकेको छ । त्यस्तै धुलखेल- भकुण्डेवेसी(२१ किमी), भकुण्डेवेसी-नेपालथोक(३० किमी) को प्रतिकिलोमिटर ३ रुपैयाँ निर्धारण गरिएको छ । त्यसैगरी उक्त राजमार्गकै नेपालथोक-खुर्कोट(३५ किमी) र खुर्कोट-सिन्धुलीमाढी(३९ किमी) दुरीमा प्रति किलोमिटर ३ रुपैयाँ ५० पैसा भाडादर तोकिएको छ । उक्त दर अनुसार वीपी राजमार्ग हुँदै मध्य तथा पूर्वी पहाड र तराईका जिल्ला सम्मको भाडा दर निर्धारण गरिएको हो ।
जलेश्वर(२४७ किमी) को ६ सय २, राजविराज(३०७ किमी)को ७ सय ५, विराटनगर(३९४ किमी) को ८ सय ५६, धरान(३९१ किमी) ८ सय ५१, धनकुटा(४४० किमी) को ९ सय ९२, काँकडभिट्टा(४६२ किमी) को ९ सय ७४ रुपैयाँ भाडा कायम गरिएको छ ।
मन्थली(१४० किमी) को ३ सय ८१, चरिकोट(१९८ किमी) को ५ सय ७३, जिरी(२२० किमी) को ६ सय ५३ रुपैयाँ तोकिएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon