 |
तामाङ समुदायको आदिथलो काभ्रेको समृद्धि र तामाङ समुदायको पूर्खाको आशिर्वादका रुपमा मानिने बुद्धचित्त माला पछिल्लो समय तिमाल क्षेत्रका कृषकहरुको आम्दानीको राम्रो स्रोत बन्दै आएको छ । एउटै बोटबाट एकै सिजनमा ६० लाख रुपैयाँ भन्दा बढी आम्दानी हुने भएपछि बुद्धचित्त मालाप्रति सबैको ध्यान आकर्षित भएको छ । नेपालमा मात्र पाइने वनस्पतिका रुपमा पहिचान बनाएको बुद्धचित्त माला काभ्रेको तिमाल क्षेत्रका १० गाविस र रामेछापका केही गाविसमा मात्र फल्ने विश्वास गरिन्छ । तर बुद्धचित्त मालाको फैलदो प्रचारसँगै म्याग्दीमा पनि पहिलोपटक परीक्षणस्वरुप बुद्धचित्त रोपण गरिएको छ ।
बुद्धचित्त विरुवा
बेनी नगरपालिका– ५ डम्बरामा बहुमुल्य बुद्धचित्त मालाका विरुवा रोपण गरिएको हो । म्याग्दीको सदरमुकाममा लायन्स क्लव अफ बेनी पिस सिटीले शनिबार सुन्दर डम्बर टोल सुधार समितिसंग सहकार्य गरी शिव मन्दिरको गुठी आसपासका क्षेत्रमा ३५ वटा बुद्धचित्त विरुवा रोपण गरिएको हो ।
बुद्ध धर्मालम्बीहरू जप गर्दा प्रयोग गरिने पवित्र माला बोधिचित्तको १०८ वटा दानालाई उनेर बनाइन्छ । बुद्धचित्तको मालाबाट जप, ध्यान र मन्त्रोच्चारण गर्दा चिताएको पुग्ने, सिद्धि प्राप्त हुने र अन्जानमा गरेको पाप काटिने र मृत्युपछि पनि देवलोक प्राप्त हुने विश्वास रहिआएको छ । अहिलेसम्म काभ्रे जिल्लाको तिमाल क्षेत्रका १० गाविस र तिमालसँग सीमा जोडिएको रामेछापका तीन गाविसमा मात्र बुद्धचित्त फल्ने विश्वास गरिन्छ । काभ्रेकै तिमाल क्षेत्र बाहेकका गाविसमा बुद्धचित्त माला फलेको पाइदैन । तर केही वर्ष यता बुद्धचित्तको कारोबार अस्वभाविक र लोभलाग्दो रुपमा वृद्धि भएपछि अन्य ठाउँ र जिल्लाका कृषकहरु समेत बुद्धचित्तको विरुवा रोपणमा लागेका छन् । यद्यपि अहिलेसम्म तिमाल क्षेत्र बाहेक अन्यत्र यो फल फलेको जानकारी भने आएको छैन ।
समुन्द्र सतहबाट ४ सय देखि २५ सय मिटरसम्म लगाउन सकिने बुद्धचित्त मालाका लागि म्याग्दी जिल्लाको जमिन तथा माटो समेत उपयुक्त रहेको विश्वासमा विरुवा रोपिएको हो । बुद्धचित्तको विरुवा लगाएको २ देखि ३ बर्षभित्र बर्षमा दुईपटक फल दिन्छ ।
चैत्र– बैशाख, साउन– भदौमा दुईपटक फुल्ने र असार–साउन र असोज–कात्तिकमा पाक्ने गर्दछ । एउटै रुखबाट लाखपती बन्न सकिने भएकाले रोपिएका विरुवाको संरक्षण गर्न डम्बराबासीले संरक्षण समिति समेत बनाएको सुन्दर डम्बरा टोल सुधार समितिका कृष्णबहादुर बानियाँले बताउनुभयो ।
नेपालमा उत्पादन भएका बुद्धचित्तकम दाना र मालाहरू चीन, जापान, भियतनाम, थाईल्याण्ड, कोरिया, भारत, अमेरिका, बर्मा लगाएतका देशमा निर्यात हुने गर्दछ । म्याग्दी जिल्लाको तल्लो क्षेत्रमा रातो माटो भएकाले पनि बेनी नगरपालिका साथै जिल्लाका धेरै क्षेत्रमा यसको सम्भावना रहेको विश्वासमा विरुवा रोपिएको बताइएको छ ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon