 |
नेपाली गीत सङ्गीत क्षेत्रमा सानै उमेरमा प्रतिभा देखाउने गायकहरु पनि धेरै छन् । त्यस्तै सानै उमेरको चर्चा सँगै अल्पायुमै संनसार छाड्ने गायकहरु पनि धेरैनै रहेका छन । त्यसमा पनि केही नाम छन् जो सानै उमेरमा चर्चाको सगमाथामा पुगे, श्रोताहरुको मन जिते तर अल्पायुमै संसार पनि छाड्न बाध्य भए ।
आज हामीले केही यस्ता पाँच ब्यक्तिहरुको बारेमा लेख्नगईरहेका छौं :
१.गायक खेम राज गुरुङ– वारी जमुना पारी जमुना बोलको गीत सुन्ने बित्तिकै हामीले गायक खेमराज गुरुङलाई सम्झन्छौं । यो गीत बजारमा आउनासाथ गायक गुरुङको चर्चा एकाएक चुलिएको थियो । पूर्वेली हाक्पारे शैलीमा गाइएको यो गीत एक कान–दुई कान–मैदान भनेजस्तो देश–विदेशका नेपाली श्रोताहरुसम्म फैलियो । उनको ४२ वर्षको उमेरमा बिहीबार साँझ ५ः५० बजे मेडिकेयर अस्पतालमा निधन भएको छ । उनको मुटु र मृगौलाको समस्याको कारण अल्पायुमै निधन भएको हो । संखुवासभाको खाँदबारीमा जन्मिएका गायक गुरुङले पूर्वेली लोकभाकाबाट लोकप्रियता आर्जन गरेका थिए ।
२.लोक बहादुर क्षेत्रि – गायक क्षेत्रीको ‘छमछम नाचिदेऊ निहुरेर’, ‘न्याउली रुँदै के भन्छ, आधा सन्च, आधा बिसन्च’ लगायतका गीतहरुलाई श्रोताहरुले निकै रुचाएका थिए । चालिसको दशकमा रेडियो नेपालमा बज्ने र श्रोताले अनुरोध समेत गर्ने यी गीतहरुका गायक लोकबहादुर क्षेत्री पनि ३२ वर्षको अल्पायु उमेरमै बितेका थिए । उनको नवलपरासीको बर्दघाटमा भएको मोटरसाइकलमा दुर्घटनामा परेर निधन भएको थियो । एफएम रेडियो र युट्युबको चल्ती नभएको समयमा पनि उनका गीतहरुलाई गाउँगाउँमा श्रोताहरु गुन्गुनाउने गर्थे । गायक क्षेत्रील ‘रातो घाम’, ‘नवलपुरे दाइ’ ‘औंठी हीराका’े ‘गाईको चरन’, जस्ता गीती एल्बमहरू निकालेका थिए ।
३.अरुण थापा – बि.सं.२०४०को दशक तिर गायक अरुण थापाको ‘भुलुँ भुलुँ लाग्यो मलाई’, ‘चोट के हो? व्यथा के हो?’ जस्ता गीतहरुलाई श्रोताहरुले निकै रुचाइएका थिए । गायक थापाको नाम ३० वर्ष नपुग्दै श्रोताहरुबीचमा कहलीएकोथियो । गायक थापाको अब्यावस्थित खानपिनका कारण २०५७ सालमा ४७ वर्षको अल्पायु उमेरमै बितेका बितेका थिए ।
४.सोम बज्राचार्य – पोखराको गायक सोम बज्रचार्य पनि ४६ वर्षको उमेरमै बितेका थिए । उनको ‘हितकारी माया’ लोकगीतका पारखीदेखि सुगम सङ्गीतका श्रोतासम्मले पनि रुचाएको गीत हो । उनका लोक लयमा आधारित भजन र अन्य गीतलाई पनि श्रोताहरुले रुचाइएका थिए । वज्राचार्यले भजन गीतहरुका तीन वटा छुट्टाछुट्टै शृंखला एल्बम पनि निकालेका थिए । उनको ‘हत्केलाले छेकिएको घाम’ रुचाइएको गीति एल्बम हो ।
५.कुल पोखरेल – पप गायकका रुपमा परिचय बनाउँदै गरेका कुल पोखरेल २३ वर्षको सानै उमेरमा बिते । छोटो समयमा राम्रो प्रतिभा प्रदर्शन गरीरहेका गायक कुलले २०६१ सालमा आफैले आत्महत्याको बाटो रोजेका थिए ।
यसरी सानै उमेरमा चर्चामा आउन सफल भएर पनि सानै उमेरमा भगवानको घर जाने गायकहरु हामी सामु नभए पनि उनिहरुले गीत संगीत क्षेत्रमा दिएको योगदान सँधै अमर रहीरहनेछन् ।
|
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon